Текст песне : Massimo Ranieri. Macchie 'E Culore. Mandulinata A Napule.

Sera d'esta! Pusilleco lucente
canta canzone e addora d'erba 'e mare...
Voglio 'e pparole cchiu d'ammore ardente,
voglio 'e pparole cchiu gentile e care
pe' di "te voglio bene" a chi mme sente.

Ma d''e pparole cchiu carnale e doce,
ne sceglio sulo tre: "Te voglio bene..."
Bella, 'int''o core tujo sacc'io chi tiene...
chi sta int''o core mio saje pure tu...

P''o mare 'e Napule
quant'armunia!
Saglie 'ncielo e, 'ncielo, sentono,
tutt''e stelle, 'a voce mia:
voce, ca tennera,
st'ammore fa.

Notte d'esta! Se so' addurmute 'e ccase...
e 'o cielo, a mare, nu scenario ha stiso!
Staje 'mbracci'a me, 'nnucente so' sti vase...
Bella, stanotte, te so' frato e sposo...
Stanotte, Ammore e Dio, songo una cosa...

Canta: e da 'o suonno Napule se sceta...
ridono 'e vvocche ca se so' vasate...
tutt''e suspire 'e tutt''e 'nnammurate,
suspirano, stanotte, attuorno a te...

P''o mare 'e Napule
quant'armunia!
Saglie 'ncielo e, 'ncielo, sentono,
tutt''e stelle, 'a voce mia:
voce, ca tennera,
st'ammore fa