Текст песне : Massimo Ranieri. Napulammore. Mmiezz 'O Ggrano.

E 'a sera, sott''o pasteno
d''e mmele annurche, passa
stu core sempe giovane
ca ride e ch'arrepassa...
E 'a luna, pazziannose
nu ramo e n'atu ramo,
'nterra, cu 'e file d'evera,
ricama nu ricamo...

Oje Stella, Ste'...ch'aspiette nu signale,
'o ggrano ammaturato e culor d'oro:
E sti capille tuoje so' tale e quale...
E 'o ssaje ca i' mme ne moro,
si 'mmiez'o ggrano, nun mm''e ffaje vasa!...

Quanno 'e marite dormono,
stracque 'e fatica ancora,
ll'ammore, che sta pesole,
sceglie 'a quartata 'e ll'ora...
St'arille comme cantano
sott'a 'sta luna chiara!
E comm'addora 'o ccanapa
pe' tuorno a 'sta pagliara...

Oje Stella, Ste'...ch'aspiette nu signale,
'o ggrano ammaturato e culor d'oro:
E sti capille tuoje so' tale e quale...
E 'o ssaje ca i' mme ne moro,
si 'mmiez'o ggrano, nun mm''e ffaje vasa!...

Ma tu nun duorme: e inutile...
stu core tujo mme sente
quanno, pe' sott'a ll'albere,
passo annascostamente...
E ghiesce fore pallida,
bella comm'a nisciuna...
E 'a luna, zenniannoce,
cuffea...'sta 'mpesa 'e luna!...

Oje Stella, Ste'...ch'aspiette nu signale,
'o ggrano ammaturato e culor d'oro:
E sti capille tuoje so' tale e quale...
E 'o ssaje ca i' mme ne moro,
si 'mmiez'o ggrano, nun mm''e ffaje vasa!...