Текст песне : Surghjenti. Anima Divina. Uspidali.

Scuddu d'arghjentu finu postu a meza virdura
Eternu vardianu di a piaghja serena
Opara d'omu mischia a quidda di a natura
Balconu sbalasgiatu supr'a u mari di Tirena!

Dopu a l'alza di l'alba u soli ti saluta
Po pianu s'avvicina ti scopri 'cu dulcezza
Scalda di u so basgiu a machja pampanuta
Chi anc'idda si svighja e brama a so carezza!

Pa unura l'invitu sparghj a to furesta
Di larici di pina di filetta e di nocca
L'arbitru e a scoppa facini sempri festa
A quiddu chi biatu va versu l'Alta-Rocca!

Insiddatu a a teghja l'anticu miridianu
Porghj l'ora chi passa senza nisciun prighera
E quandu u soli stancu si chjna pianu pianu
S'addurmenta anc'iddu stancu a a so manera!

Si tacci cu a notti a risa di i ziteddi
In celi steddi d'oru so qui cussi vicinu
So simuli accesi a tanti fiaculeddi
Appicati un ad'una in cimma d'ungni pinu!

Cosi di U Spidali strinti in a currintina
Da u Pinu di u Curatu fin'a u Pinu Tortu
Locu caru e sacratu di a me zitiddina
Ricordu chi pa me un sara mai mortu